No.7566/2020-2021

Vawiin khan Lunglei  Venglai Community Hall Cheng Nuai 146 chuang senga sak chu mipuite hman theih turin Agriculture Minister leh bialtu MLA ni bawk Pu C.Lalrinsanga' n a hawng.

 Hall hawnna inkhawm Pu Andrew.Lalhruaia ,District Urban Development Officer, UD&PA, Department, Lunglei kaihhruaiah Minister Pu C.Lalrinsanga chuan thu sawiin, Venglai in Hall tha tak an neih theihna tur hian Ministry hmasa ah bialtu MLA Pu Chalrosanga hovin nasa takin hma lak a lo ni tawh a, chumi hnua sawrkar thara hmalakna hrang hranga Hall tha tak hawn theih a lo ni ta chu a lawmawm hle a ni a ti. Covid - 19 boruak avangin duh anga sum pekchhuah thuai thuai theih a nihloh vang erawh chuan tum anga hma in Hall peih theih a nilo chu pawi a tih thu Minister chuan sawiin, Venglai Hall tha tak hian a veng neitu nimai lo chhim bial tan tangkaina nei se ka duh a ni a ti bawk. Hetianga Hall tha tak hawn a lo nih theih nana a mawhphurtu department leh khawtlang hruaitute inpekna ah lawmthu Pu C.Lalrinsanga chuan sawiin, thalai ten nun kawng a tha zawnga an zawh theihna  hmun nise,  inthlahrung lovin infiam nan hmang tangkai ngei se a duh thu a sawi bawk a ni.  Faina chungchang ah Lunglei District chu khawpui fai ber lawmman pakhatna an dawn avangin lawmthu a sawi a, faina leh thianghlimna ah hma kan sawn hle a, Venglai chhung hi khualkhua  a mi ten faina kawng ah an tehfung leh mit fukna  ber anih avangin tan lak angaih thu sawiin faina leh thianghlimna ah  midangte entawntu ni theuh turin a chah ani.

 Vawiina Minister in Hall a hawn tak hi UD&PA, Department kaltlanga sak niin, sum hi IHSDP, State Priority Project leh NEDP sum atanga sak niin, a pumpuia sak zawh nan hian Cheng nuai 146, Sing 9, Sang 6, 922 hman ral a ni. Hall dung lam hi Ft. 90 niin a vang lam Ft. 40 a ni a, mihring 250 vel leng thei tura ngaih niin Badminton Court pakhat leh Table Tennis khelhna pakhat awmin Mizopa chhiara chhawng thum a ni.