No.1948/2021-2022
Aizawl 21st August 2021: Vawiin ni  khan Pu C. Lalrinsanga Agriculture Minister chuan Lungleng North leh Lungleng I a tlawh a. Khawtlang hruaitu, NGO te leh Lungleng North leh Lungleng I in Agriculture a hma an sawn theih dan tur sawihona hun tha tak an hmang ho a ni.

Minister Pu C. Lalrinsanga chuan Lungleng North leh Lungleng I khua chu Aizawl khawpui kurtai leh thlai lama chawmtu pawimawh tak an nih thu a sawi a. Lungleng North leh Lungleng I chu Agriculture lamah potential tha tak an neih chu nasa leh zuala chhawr tangkai tula a hriat thute, buh leh bala intodelh a pawimawh zia a sawi bawk a.

Lungleng khua ten thlai chinna hmun an neih dan chu Minister hian a enpui nghal a, minister hi khawtlangin an lo dawngsawng tha hle a ni.

Minister hi Dr. ZR Thiamsanga MLA, Vice Chairman, Health and Family Welfare Board chuan a tawiawm bawk a ni.