No.4477/2021-2022
Aizawl the 31th, March' 2022: Vawiin chawhnu khan Arts & Culture Heritage Centre, Lungleiah TC.Jonunsanga lehkhabu Rambuai Novel-Zonunsangi chu Pu C. Lalrinsanga, Minister, Agriculture, Cooperation leh Irrigation & Water Resources Department changtu chuan a tlangzarh.

Tlangzarh inkhawm hi Pu Duhawma Rokhum in kaihhruaiin Pu C. Lalrinsanga chuan Pu TC. Jonunsanga'n Rambuai Novel- Zonunsangi a ziah hi rambuai kara Mizo nunze mawi lanna a nih avangin a hlu a ti a, thangthar lo la awm zel tur tan lehkhabu tangkai tak a nih a beisei a ni. Mizo in thil hlui sulhnu kan nei tam lo hi pawi a ti a, Mizo culture leh tradition te hi ziah a dah that hi a hlu a tih thu a sawi bawk . Lehkhabu tha ziak tur chuan tha leh zung tam tak sen a ngaih thu sawiin he lehkhabu ziaktu Pu TC. Jonunsanga pawh hian harsatna tamtak a paltlang a ring a ni. Mizo hnam hi Pathian zawnchhuah hnam anih avangin harsatna leh buaina karah pawh min veng thin a, rambuai lai khan mipui in an tuar a,hnam movement anih avangin khawvel hriat kan hlawhh a ni a ti. Ziaka thil dah hi thil pawimawh tak a ni, amah erawh chu a pawimawh rual rual in thil dik lo awm thin hi a pawi a tih thu a sawi a ni.

Pu V. Rokhawlkima'n Rambuai Novel- Zonunsangi hi sawizauna neiin he lehkhabu hi phek 400 ai tam a ni a , ISBM chuang anih thu a sawi bawk. He hunah hian sawm bik mi eng emaw zatin thusawina hun an nei bawk a ni.