Dt 7.8.2015 (Zirtawpni) kalta khan Minister of State for Disaster Management and Rehabilitation Pu C. Ngunlianchunga chuan a bial chhung Vaseikai khuaa Tuilian vanga chenna in chan chhungkaw 7 te a tlawh a, sawrkarin a theih ang anga a tanpui tur thu hrilhin a thlamuan.

Pu C. Ngunlianchunga chuan, sawrkar in tuilian tuartute chu a hriatreng thu sawiin thlaphang lo turin a chah a, in leh lo chante pawhin tanpuina an hmuh theih nan hma lak a ni ang a ti. Minister hian chenna in chan chhungkaw 7 te hnenah hian tanpuina Rs 3,000/- leh Silpauline lian pahnih theuh a hlan nghal a, Vaseikai YLA hnenah thingpui lumna Rs 2,000/- leh Silpauline pakhat leh Vaseikai Lai Women Association hnenah Silpauline pakhat a hlan bawk. Minister tawiawmtu Bungtlang South BDO Pu Lalremruata Kullai chuan in leh lo chan te hnenah Silpauline te pakhat theuh a pek bakah Lai Women Association hnenah tanpuina sum a hlan ve bawk ani.

Tun hnai ruahsur nasa avang khan Lawngtlai District khaw thlanglam a luang Tuichawng lui chu a lian nasa hle a, chu chuan a kianga khaw awm chhungkaw 200 vel chenna Vaseikai khawchhung pawh chimin leimin a siam bawk a. Chu chuan chhungkaw 9 te chenna, in pasarih 7 chu a tichhia a ni. Mihring nunna chan an awmlo nain chhungkaw pakhat vawk vulh lai chu tui hian a la niin Vaseikai VC te chuan an sawi. In leh lo chante hian an bungruate erawh chu an chhanhim hman hlawm a, khawtlangin hnatlangin zanlaiah an bungruate senghawi sakin an inte pawh an thiah sak hlawm a ni.

Attachment

  • Loading attachment...