Vawiin khan Lunglei Deputy Commissioner Pu Ashish Madhaorao More, IAS hovin DC’s Conference Hall-ah kumin Independence Day 2015 atana inbuatsaihna kal mek thlirho a ni a. Kumin Independence Day vawi 69-na lawmna hi Thuamluaia Mual-ah dar 10:00-ah neih tan a nih ang a, FCS&CA Minister Pu John Rotluangliana chu Khuallian tura beisei a ni.

Independence Day 2015 Programme chu hetiang hi a ni :

9:58 AM - Arrival of Chief Guest

10:00 AM - Unfurling of National Flag followed by national Anthem

10:05 AM - Inspection of Parade by VIP

10:10 AM - Ceremonial Parade / March Past

10:35 AM - Speech by Chief Guest 11:00 AM - Band Display by 28th Assam Rifles

11:15 AM - Prize Distribution

Kumin Independence Day 2015 pualin 28th Assam Rifles chuan Thuamluaia Mual-ah ‘Weapons Display’ (ralthuam pholanna) an buatsaih dawn bawk a ni.

Independence Day 2015 lawmna chi khat ‘VIP’s At Home’ chu mi sawm bikte tan Circuit House-ah dar 12:00 Noon-ah neih a ni ang a. ‘At Home’-ah hian 2nd Bn MAP ten Band Display an an neih bakah Lunglei Photographers’ Association-in ‘Photo Exhibition’ an buatsaih dawn bawk a ni. Photo Exhibition-a thlalak phochhuah te hi a duh atan lei theih a ni dawn a, he Exhibition hi ni 17.8.2015 (Thawhtanni) thleng a awh ang.

Independence Day 2015 Ceremonial Parade-a tel tur Contingent 22-te chuan tukin zing atangin Thuamluaia Mual-ah practice an nei tan a. Ni 12.8.2015 thleng practice hi chhunzawmin, ni 13.8.2015-ah Final Rehearsal neih a ni ang.

Lunglei DC chuan thuchhuah siamin sorkar hnathawk zawng zawngte chu Independence Day lawmna ngai pawimawha kim taka kal turin a hriattir a; he hun chhim turin mipui zawng zawng pawh a sawm bawk a ni.