Pu C. Ropianga, State Election Commissioner, Mizoram chuan September 10, 2013 (Thawhlehni) a Goa Niwas Chanakyapuri, New Delhi-a neih tur Standing Committee of the All India State Election Commissioners’ Meeting-a tel turin vawiin September 9,2013 khan Aizawl a chhuahsan. He meeting atan hian Agenda pawimawh tak tak chhawp chhuah a ni a, chung zingah chuan MP/MLA inthlanna atana buatsaih Electoral Rolls te tualchhung inthlanna hman ve chungchang (Common Electoral Rolls) leh Electoral Reforms kalpui dan tur te a tel a ni.

Pu C. Ropianga hi a term kum 5 hmang zovin September 30, 2013 hian a retire dawn a. Hemi avang hian State Election Commissioner-te Conference/Meeting a tel hnuhnun ber tur a ni dawn a ni. State Election Commissioner a nih chhunga ram pum huapa State Election Commission leh State Election Commissioner-te dinhmun chawisan a, hma an sawn theihna atana a contribution te hlut sakin he meeting-a an zanriah hi Pu C. Ropianga, State Election Commissioner, Mizoram Thlahna zanriah (Farewell Dinner) atana buatsaih a ni dawn nghe nghe a ni. Hetiang taka duhsakna a chang hi Mizoram tan pawh a chhuanawmin a lawmawm hle a ni.