Vawiin khan Mizoram School of Education chuan ni hnih awh tur (May ni 13 leh 14), Exam Kalphung leh Zawhna Buatsaih Training Programme (Scheme of Examination and Question Setting Technique) High School zirtirtute tan an buatsaih, hawna inkhawm chu an nei. He training programme hawna inkhawm ah hian Pu Chawntinthanga, Parliamentary Secretary chu khuallian a ni.
Pu Chawngtinthanga chuan zirtirtute chu ram leh hnam siam tu an ni a, an hna chu hna pawimawh tak, eng tik lai pawha inthlahdah thei loh, intuaithar reng ngai a ni a ti. Nu leh paten an fate hmakhua leh zirna pawh an kutah an nghat tawp a, chuvangin an hna chu taimakna leh thawrimna telin thawk turin a chah. Zirtirtu hna chu kum tam tak a lo thawk ve tawh tih sawiin kalkhawmte chu naupangte hmakhua za zel ah 70 vel chu an mawhphurhna a an a ti, entik lai pawhin naupang zirna phatsan lova an hna chu thawk turin a chah bawk.
Pu Chawngtinthanga chuan tun tuma zirtirtute Zawhna Buatsaih chhungchanga training an neih ti hlawhtling thei tur chuan zirtirtuten naupangin zawhna an chhan dan chu ngun taka en in, an mahni lamah zirbelh ngai an nei em tih te inchhut fo turin a ngen bawk a ni. Kum tin zirtirtu training zo kan neih belh zel a, mahse zirna quality in hma kan sawn tur anga hma kan sawn theih tak loh avangin Mizoram Education Reforms Commission te chu din a ni tiin Commission chuan Report pawh an peih fel tep thu a sawi bawk.
Pu Laldawngliana, Chairman, MBSE chuan tunah hian National Curriculum Framework (NCF) 2005 zulzui syllabus leh textbooks thar an duang a. Syllabus thar hi tun kum atanga hman tan niin nakum HSLC Exam-ah pawh hemi syllabus thar anga buatsaih anih tur thu a sawi a. Pu Dawnga chuan zirtirtute chu zawhna siam lamah hma bak tam tak an nei a, chuvangin he training programme hi ngai pawimawha an thawhna theuh a an thawpuite pawh syllabus thar mila zawhna buatsaih chhungchanga zirtirna pe turin a chah bawk a ni.
MBSE hotute chuan hetiang training hi thawh thum-in an buaitsaih dawn a ni tiin chumi atan chuan Rs. 2,50,000 chu ruahman a ni a. Tun tum training proramme hi a thaw khatna niin District pali - Aizawl, Kolasib, Mamit leh Serchhip a High School zirtirtu te chu koh khawm an ni a. A thawh hnihna naah chuan Lunglei, Saiha leh Lawngtlai District a zirtirtute te tan training an buatsaih leh anga, a tawp ber ah chuan Champhai District a zirtirtute training pek an ni ang.
Vawiin training programme a hian District pali atangin zirtirtu 140 vel an kal khawm a ni.
Pu Chawngtinthanga chuan tun tuma zirtirtute Zawhna Buatsaih chhungchanga training an neih ti hlawhtling thei tur chuan zirtirtuten naupangin zawhna an chhan dan chu ngun taka en in, an mahni lamah zirbelh ngai an nei em tih te inchhut fo turin a ngen bawk a ni. Kum tin zirtirtu training zo kan neih belh zel a, mahse zirna quality in hma kan sawn tur anga hma kan sawn theih tak loh avangin Mizoram Education Reforms Commission te chu din a ni tiin Commission chuan Report pawh an peih fel tep thu a sawi bawk.
Pu Laldawngliana, Chairman, MBSE chuan tunah hian National Curriculum Framework (NCF) 2005 zulzui syllabus leh textbooks thar an duang a. Syllabus thar hi tun kum atanga hman tan niin nakum HSLC Exam-ah pawh hemi syllabus thar anga buatsaih anih tur thu a sawi a. Pu Dawnga chuan zirtirtute chu zawhna siam lamah hma bak tam tak an nei a, chuvangin he training programme hi ngai pawimawha an thawhna theuh a an thawpuite pawh syllabus thar mila zawhna buatsaih chhungchanga zirtirna pe turin a chah bawk a ni.
MBSE hotute chuan hetiang training hi thawh thum-in an buaitsaih dawn a ni tiin chumi atan chuan Rs. 2,50,000 chu ruahman a ni a. Tun tum training proramme hi a thaw khatna niin District pali - Aizawl, Kolasib, Mamit leh Serchhip a High School zirtirtu te chu koh khawm an ni a. A thawh hnihna naah chuan Lunglei, Saiha leh Lawngtlai District a zirtirtute te tan training an buatsaih leh anga, a tawp ber ah chuan Champhai District a zirtirtute training pek an ni ang.
Vawiin training programme a hian District pali atangin zirtirtu 140 vel an kal khawm a ni.
