Vawiin khan DRDA Conference Hall, Mamit-ah Mamit District Level Vigilance  & Monitoring Committee chu Pu C.L.Ruala, MP (LS), Chairman hovin  thukhawm a.

Pu C.L. Ruala, MP Lok Sabha chuan Monitoring pawimawhna leh Quarter tina thutkhawm a pawimawhzia leh Central sorkar atanga sum hmuh nan chauh ni lova hna quality a that theih nan a zing thei ang bera thutkhawm nise a ti a. Officer kalkhawmte chu mahni hnaa inpe leh zual tur leh mirethei hmangaihna thinlung pu chunga hna thawk turin a fuih. Tin BDO leh Filed lama thawkte pawh miretheiten an chanvo an chan theih nan mahni bial hrechiang tur leh dik tak leh fel taka thil ti chhunzawm zelturina fuih bawk.

Pu K. Lalhmingliana Project Director DRDA, Mamit chuan report a pe a. MGNREGS hnuaiah hian cheng nuai 2601.176 lakh hmuh a nih tawh thu te chhungkaw 19535 te tan ni 70 inhlawhna pek a nih tawh thu leh Mizoram a ti tha ber District an nih mek thu te, IAY pawisa hmuh cheng nuai 239.684 atanga tanpuina hmanga BPL chungkaw 307 te chenna in sak sak an nih thu te IWMP hmanga thingtlang kut hnathawk te dawm kan an nih mek dan leh eizawnna kumhlun an neih theih nana DRDA hmalakna te a sawi a. Central sorkar in MIS hmanga pawisa min pek tawh avangin leh Mizoram ti tha ber District an nih thu te a sawi bawk a.

PHE, PWD, P&E, Social Welfare Deptt. CMO leh BDO te hnen atangin an hmalak dan hrang hrang te ngaihthlak a ni a. IWMP PIA te hnen atangin an hmalak tawh dan leh hmalak zel an tum dang ngaihthlak a ni bawk. Meeting chuan pawisa te a hun taka dawn a nih theih nana theihtawp chhuah a tan tlan nise tiin an rel a. State sorkar pawhin matching share te a pek thuai theih nan hotute ngen ni se a ti bawk.

He meeting ah hian Rural Development Department hnuaia Scheme hrang hrang MGNREGS, IAY, SGSY, IWDP. IWMP, PMGSY, TSC, ARWSP, RGGVY  leh NSAP te hnathawh dan leh harsatna neih te an sawi ho.

Meeting-ah hian Pu Lalhmingliana MP(RS), Co-Chairman leh Pu Lalrobiaka, MLA, Pu V. Lalremthanga, Deputy Commisioner  bakah Mamit District a Officer lian leh pawimawh te leh NGOs te an tel bawk.