January ni 13, 2017 (zirtawpni) khan AH & Vety Minister Pu C.Ngunlianchunga chuan a bial Lawngtlai West huam chhunga Karlui-ah Rural Animal Health Centre a hawng.

Pu C.Ngunlianchunga chuan sawrkarin mi retheite ngaihsakin, hmun kilkhawr taka awm ran vulhtute'n harsatna an tawhte a hre reng tih sawiin, ran vulhtute'n an ran vulhte hrisel taka an enkawl theih nan leh a tul anga damdawi te sema ran damlote enkawl nan Rural Animal Health Centre pawh ruahman a ni, a ti a. Chu Centre chu tangkai taka hmang turin khaw mipuite a chah nghal.

Hawnna inkhawm hi Lawngtlai DAHVO Dr B.Zonghinga'n a kaihruai a. Bialtu MDC Pu Suresh Chakma pawhin thu a saw i bawk.

Karluia Rural Animal Health Centre hawn tak hian khaw 15 vel a enkawl dawn a. Chu'ng zinga khaw 8 chu Chakma area-a awm a ni.

He Centre enkawl tur hian VFA pakhat dah nghal a ni bawk. Minister hi Lai DCC-a hruaitu eng emaw zat leh sawrkar official thahnem takin an tawiawm a ni.