Vawiin khan Pu Paul Rokima, District Information and Public Relations Officer, Mamit Pisa ah IPRO Mamit Staff te leh MJA Mamit District member te chuan Kum 2017 kumthar atana Pathian hnena inhlan tharna hun leh thingpui inhona hun an hmang.
He hunah hian Pu Paul Rokima, DIPRO Mamit chuan MJA memberte chu an thawhhonaah inlungrualna tha tak an neih avanga lawmawm a tih thu a hrilh a, hun lo kal zel turah pawh sawrkar hmalakna tawiawm tur leh thawhpui thiam turin a ngen. Sawrkar hmalakna puanzar kawngah a tangkai ber leh thawhhlawk ber an nih avangin sawrkar hun bik leh hun hman ah reng reng inthlahrung lo leh neitu chan chang taka tel thin turin a sawm a, an thawhho zelna turah pawh finchhuah a, thurawn pe hreh lo turin a ngen bawk.
MJA Mamit District memberte chu thuthar puanzar kawngah rintlak leh pawm ngam ngei puangzar thin turin a ngen a, tunlaiah social media hrang hrang ah thuthar thehdarh hmasa leh hrehmasatu nih duh avangin thurintlak loh chhuah a ni fo thin a, hemi kawngah hian mite zirtirtu leh entawn niturin a chah a ni.
He hunah hian Pu Lalrinsanga Member, MJA Mamit chuan hunserh hmangin Pu Lalhuma Treasurer MJA Mamit District leh Pu C. Lalramdinzela, General Secretary, MJA Mamit District te pawh in thu an sawi bawk.
