Nimin khan AH & Vety Minister Pu C.Ngunlianchunga chuan Mampuia AH & Vety Farm tlawhin, Department? Officer-te nen hma lak zel dan tur an thlir ho. 

Lawngtlai atanga KM 18-a hla Mampui khuaa AH & Vety Farm a tlawh hian Minister hian Pig Multiplication Farm enin, vawk in sak belh dan tur leh vawk tlatna siam belh dan tur te a en a. He vawk vulhna tur hmun hi vawkpui 50 vulh theihna tura siam a ni a. Tuna vawknu an vulh tam zawk hi an hur mek hlawm avangin vawk in awm sa hian a dawl dawn lo va, chumi avang chuan a rang thei ang berin a in sak belh a tul thu Department? hotute chuan Minister hi an lo hrilh a. Zan lama vawjk an tawm hulna tur leh an tlat chhuahna tur pawh siam a ni tawh a, an tlatna tur hi tha taka hung vek a ni bawk. 

Minister hian ar vulhna hmun pawh tlawh nghalin, ar awp keuna tur khawl an dawn, hman tlak lohva awm chu a thara thlak a nih theih dan tur Officer-te nen an sawi ho va. Department? lam hotute'n harsatna an neih an sawite chu Minister chuan a theih ang anga bawhzui a nih tur thu a sawi. 

A nih dan tur ang taka a kal theih hunah chuan he Mampui Vety Farm-a vawk, ar leh bawng an vulhte hi Lawngtlai chheh vela ran vulhtute'n man tlawm zawka an lei theih tura ruahman a ni a. Chumi tur chuan thuam that mek zel a ni. Harsatna an tawh zingah kawlphetha (electric) supply an hmu tha lo chuan a bik takin ar vulhna lamah harsatna an tawk nasa thin hle niin farm enkawltute chuan an sawi bawk. 

Minister-in Mampui Vety Farm a tlawh hian LADC-a Executive Member Pu C.Sangchhunga leh bialtu MDC Pu LR Dingliana Chinzah bakah, LaiDCC President Pu J.Ropianga leh hruaitu dang eng emaw zatin  an tawiawm a. District AH & Vety Officer Dr B.Zonghinga, Mampui AH & Vety Farm-a Chief Veterinary Officer Dr Vanlalhruaia, Lawngtlaia Chief Veterinary Officer Dr Lalchhuanawma leh Veterinary Officer Dr Charlie C.Chawngthu te'n an lo dawngsawng a ni.