Pu Darchhinga building , Dawrpui West a mi, District Disaster Management Authourity, Aizawl in thiattur a thu a pekna Order khin letna, he building neitu in High Court a a thehluh chu High Court in vawi 2 a hnawl.
Pu Darchhinga building hi a him tawk lo a ngaih a nih avangin District Magistrate & Chairman, District Disaster Management Authourity (DDMA), Aizawl chuan Code of Criminal Procedure, 1973 hnuai a Section 133 (d) in thuneih na a pek behchhan leh Disaster Management Act,2005 hnuaia Section 34(k) in thuneihna a pek behchhanin thupek chhuah a nih atang a thlakhat chhung a chhuahsan tur leh thiat tur in thupek a lo chhuah tawh a.
Pu Darchhinga hian DDMA thupek khinletna hi High Court ah a theh lut zui ve nghal a.
Pu Darchhinga’n DDMA thupek khinletna High Court a a theh luh chu thutling lo ah ngaiin Single Judge chuan ni 13.2.2015 khan a lo hnawl tawh a. Single Judge in a lo hnawl tawh chu Pu Darchhinga’n ngaihtuah tha leh tur a a ngen angin Division bench, Chief Justice Pu Ajit Singh leh Justice Pu Suman Shyam te kaihhruai chuan an ngaihtuah tha leh a.
He thubuai ngaihtuah nawn tur a theh lut tu Pu Darchhinga hi ama inluah tute nunna leh mipui te nunna dinhmun hlauawma dah tur in phalna pek theih a ni lo tiin he Division bench pawh hian pu Darchhinga ngenna hi ni 26.5.2016 ah a lo hnawl nawn leh a.Tichuan, he building thiat tur a tih na Order DDMA in a lo chhuah tawh chu a la nung reng a ni.
