4199/2024-2025
AIZAWL; the 11th February, 2025: Vawin khan Pu H Lalengmawia, IAS Chairman, Empowered committee hovin Mizorama kawngpui pawimawh tak, Mizoram District 5 paltlang, 381Km a thui, Mizoram leh Assam thlun zawmtu ni bawk National Higway(NH)-54 kawng laizauh hna thawh meka, Tuirial khaw huam chhunga a harsatna hrang hrang te a hmuna kal in enfiah a ni.
Vawiin Tuiriala NH-54 enfiahnaah hian Forest Department, Land Revenue & Settlement Department, DC Office Aizawl, NHIDCL leh Shivalaya Co.Ltd aiawh te an tel bawk. Helai kawng dung bika buaina awmte en ho niin, chenna in thiah ngai te pawh a neitute ho nen sawi fel niin, tun thla chhunga thiah vek tura inrem a ni. Heng bakah hian he lai kawng dung a ram chungchanga buaina awm te chu a ram neitu nen a hmuna en hoa sawifel nghal a ni bawk.
