UN Joint Initiative hnuaia marketing Task Force kalpui dan tur chungchangah vawiin khan State Planning Board Vice Chairman Pu H.Liansailova hovin Planning & Programme Implementation Department leh NLUP Implementing Board hotute chu UNDP official te nen Pu Liansailova office ah an thu khawm.

Mizoram thlai thar hralh chhuahna mumal leh hlawk zawk atan UN Joint Intiative hnuaiah UNDP chuan hma la in ruahmanna a duang tawh a. Kumin March thla khan heng ruahmanna leh rawtna te hi Chief Secretary hovin department pawimawh ten thlir hovin a bawhzui tura Task Force din ni se, tih a ni a. He Task Force hian chak taka hna a thawh theihna turin vawiin Pu Liansailova hova meeting chuan state sorkar tih tur leh hmalakna tur te relin NLUP Implementing Board enkawlna hnuaiah Task Force hi dah ni se, an ti a. July thla atang hna thawk tan thei turin Task Force member te pawh June thla chhunga ruat fel vek tur a ni.