Vawiin khan Pu H. Liansailova, NLUP Nodal Minister office chamber ah NLUP hnuaia Integrated Cluster Development Kolasib leh Mamit District atana NABARD in hma a lakna sawiho a ni. He hunah hian NABARD hotu liante chuan Kolasib leh Mamit District chhunga loneitu leh ran vulhtute dinhmun zir chianna an neih chu Power Point Presentation hmangin an hrilhfiah a. Heng District pahnih a NLUP hnuaia NABARD kaltlanga hnathawh theih dan turte chipchiar taka sawiho a ni. NABARD hotute chuan NLUP hian Mizorama kut hnathawktute leh mi rethei te tan hamthatna leh hlawhtlinna nasa tak a thlen dawn niin an sawi a. He mi ah hian sorkar nen pawh NABARD kaltlanga theihtawpa hmalak ho an tum tih an sawi.

He meeting ah hian Pu P.L. Thanga, Vice Chairman, NLUP Implementing Board bakah NLUP Line department hrang hranga Department hotute an tel kim hle.