March ni 3, 2012 a Darlawn khaw daia MST bus chetsual avanga mi 16 laiin nunna an chan avang leh mi 23 laiin hliam an tuar avangin Transport Department chuan pawi a ti hle a. Mitthi chhungte a tuarpui takzet a, Pathian thlamuanna chang turin a duhsak a, hliam tuarte pawh an that chhuah leh thuai a duhsak takmeuh a ni.

Mitthi chhungte leh hliam tuar ten dan anga zangnadawnna an hmuh tur an hmuh theih nan, a tul ang ang a lo tanpui turin Department chu a in peih reng bawk.

He thil thleng hi Transport Department chuan ngun takin a chhuizui nghal a ; hetiang thil a thlen tawh loh nan, awmze nei zawk leh fimkhur lehzual a hma lain, in siam that ngai apiang te insiamthat tumin a buatsaih nghal a, hemi atan hian mimal leh pawl hrang hrang te thurawn ngaithla turin Department chu a inhawng reng a ni. Hei bakah hian sorkar chuan Magisterial Inquiry dinin uluk takin a enfiah zui mek bawk.