Vawiin chawhma dar 11:30 khan Pu H. Liansailova, Vice Chairman, State Planning Board chuan Kolasib Jail ,Saidan ami a tlawh.

Pu Liansailova’n Kolasib Jail a tlawhna ah hian Kolasib bialtu MLA Pu PC Zoram Sangliana, Pu PL Thanga,Vice Chairman NLUP Implimenting Board (NIB) Pu David L.Thangliana, Chief Media Officer, NIB/I&PR leh Pu Robert Rualthankhuma, Project Co-ordinator, NIB te telin Jail Superintendent Pu S.K. Sinha te nen an hmalaknate an sawiho.

Jail tangho nen inkawmhona neihah Pu H. Liansailova chuan tuna nunphung diklova innun avanga chhungkua leh khawtlang tana mi hnawksak innih thinna a lo awm anih pawhin Jail chhunga in awm chhung hian in nun siam tha ula, kut themthiamna thil chi hrang hrang zirna hun nei a, eizawnna thianghlim nei thei turin buatsaih in ni dawn tiin training hrang hrang sorkar-in Jail chhungah buatsaih a tum thu a hrilh.

Pu PL Thanga pawhin Jail tangte chuan an tan chhungin nunthar Pathian-ah pawh an hmu thei a, Jail an chhuahsan hnuah pawh eizawnna tha nei turin kutthemthiam zirna sorkar-in a buatsaih sak chu tha taka zir turin a fuih.

Pu H. Liansailova leh a kalpui te hian Jail tang ho inzirna leh tangkai taka hun an hman theih nan Agarbati Stick Making Machine 10, Ceiling Fan 5 leh Volleyball leh net an pe a, bialtu MLA Pu P.C. Zoram Sangliana chuan vawiina Chief Minister-in Kolasib Sports Stadium lungphum a phum tur an lo lawm ve nan ruaithehna tur Rs 5000/- a pe bawk.Tunah hian Kolasib Jail ah hian UTP avanga tang mipa 80 leh hmeichhia 4, S.I. vanga tang mipa 14 leh R. I. avanga tang mipa 5 an awm mek a ni.

Nimin tlai khan Pu Liansailova leh a team-te hian Bilkhawthlir kuhva chingtute an tlawh a inkhawmna hun an nei. Bilkhawthlirah hian NLUP kuhva ching 1st phase ah 73; 2nd phase ah 112; 3rd phase ah 34 leh 4th phase ah 15 an awm a, Bilkhawthlir pumah kum 2010-2011 khan kuhva atangin Rs 60,99,960 an hmu a, 2011-2012 ah Rs 1,27,27,700; kum 2012-2013 ah Rs 190,74,130, kum 2014-2015 Rs 245 lakh an thar chhuak a ni.

Bilkhawthlir khua in kuhva heti zat an tharchhuah a sum tam tak an lakluh hi tam tham zawka tihpun theihnan NLUP atangin Skop siamna tur tuikhuah siamsak nise, committee siam a, he hna hi tha tak a tan nghal nise tih an rel a ni.

Tukin zing dar 7 khan Pu H. Liansailova hian NLUP Market Shed, Kolasib Project Venga Rs nuai 15 a sak mek chu a tlawh a, tuiluankawr leh mipui inthiarna siam belh nise Rs nuai 5 pek belh ni rawhse tiin an rel bawk.