Pu H.Liansailova, Agriculture Minister chuan vawiin khan thingtlang loneitute hman tangkai tur Mobile Soil Testing Laboratory 3 Agriculture Directorate kawtah a hawng. Mizoram pum hi zone pathumah thenin heng Laboratory te hian an vil dawn a ni.
Minister chuan hun reilote chhunga Agriculture Department in hmalakna a ngah chu lawmawm a tih thusawiin loneituten awlsam zawka hna an thawh theih nan tillers pek chhuah anih dante leh tunah tractors lei dan tur en mek anih thute a sawi a. Mobile Soil Testing Laboratory hi loneituten an tangkai pui ngei a beisei thusawiin Minister chuan agriculture scientists te hi thiam hle mahse hmanrua an neih that loh chuan duh angin hna an thawk thei lo a ni a ti a,tunah chuan loneituten an lei that leh thatloh an entir thei dawn tawh a, enkawl dan te pawh an zir thei dawn tawh a ni a ti.
Vawiin inkhawm hi Pi L.Tochhong, Principal Secretary in a kaihruai a, Pu K.S Thanga, Parliamentary Secretary bakah Agriculture Department Officers an tel a ni.
Mobile Soil Test Laboratory pakhat leina hi cheng nuai 31 a ni a, Mobile anih angin Mizoram chhunga mamawhna khawi hmun ah pawh a kal theihna chin ah chuan hnathawk thei turin ruahman a ni dawn. Hetiang laboratory hi India hmar chhak state zingah Mizoram hi nei pahnihna a ni
Vawiin inkhawm hi Pi L.Tochhong, Principal Secretary in a kaihruai a, Pu K.S Thanga, Parliamentary Secretary bakah Agriculture Department Officers an tel a ni.
Mobile Soil Test Laboratory pakhat leina hi cheng nuai 31 a ni a, Mobile anih angin Mizoram chhunga mamawhna khawi hmun ah pawh a kal theihna chin ah chuan hnathawk thei turin ruahman a ni dawn. Hetiang laboratory hi India hmar chhak state zingah Mizoram hi nei pahnihna a ni
