Vawiin  chawhma dar 11:00 khan Mizoram Pollution Control Board bultumin sawrkar department hrang hrang, NGO te, Association hrang hrang leh media lam aiawh te’n Mizoram Pollution Control Board Office-ah kumin World Environment Day, June 5 denchhena environment venhimna kawnga tha thawh dan tur an rel.

Er. Dunglena kaihhruai meeting-ah hian sawrkar leh pawl hrang hrang aiawh mi 23 zet an tel a; sawrkar ring ngawt loa mi tinin Environment humhimnaah tihtur leh mawhphurhna kan nei theuh a ni tih chu an thupui ber a ni. Sawrkar-in World Environment Day lawmna a hman thin piahlamah hian mipui mimir thleng phak, sum pai seng lem loa environment tan mi tinin eng emaw tak tihtheih an nei a ni tih hriattir dan tur leh a bawhzui dan tur an rel a ni. Sawrkar department hrang hrang, tlawmngai pawl, association hrang hrang leh media-te tih theih tur ruahmanin ngenna siam nise an ti.

Lehkhapuan renchem te, electric bulb cfl-a thlak chungchang te, naupang zirtir te, rally te leh mamawh tihtlem, ningnawi ngah loh tihte chu inzirtirna tura an ngaihpawimawh langsar zualte a ni.