Mizoram Science,Technology & Innovation Council (MISTIC) leh Directorate of Science & Technology buatsaih State Level Science & Technology Essay in ziahsiak lawman vawiin khan sem a ni a. Pu H Liansailova, Vice Chairman,State Planning Board chuan he hun hi I & PR Conference Hall ah hmanpui in lawmman te hi a sem nghal a ni.
Mizoram hmasawnna tur kawng khat atan chuan Science & Technology lamah hmasawn phawt a ngaiin thiamna leh a hmanna ( application) hrang hrangte hi kawng hrang hranga hmasawnna atan a pawimawh thu sawiin khuallian Pu H Liansailova chuan zirlai te chu Mizo mipui ten kan chhawrbawk leh eizawnna kawnga khaichhuak thei ngei tur ngaihtuah chhuak thiam tur in a chah a, ‘Science & Technology-Mizoram hmasawn nan’ tih thupui hmanga Essay ziaktute leh lawman latu zawng zawngte lawmpuina a hlan bawk a ni.
Kan ram Economic Plan te hi lungkhamna avangin sawi ani thin,mahse chumai chu a tawk lo, a tih a tih- a practical a ngai tawh takzet ani tiin khuallian chuan kut hnathawh kalphung te pawh hi Science lam atanga tih hmasawn a ngai a,tunah NLUP atangin bul tannin rahbi tuk ani tawh a,Economicsa kan kaisan theihna turin tun atangin Science & Technology hmanga khai kan zel kan tum tur a ni tiin thingtlang lo nei mite thlenga chhawrbawk theih tur a hmalak thiam a ngai ani a ti a.Essay inziahsiaka lawman dawngtu te chu Science zirna in a tum ang ngeia enge thil tangkai leh tha tur hmuhchhuakin,thlai chi tha,a than dan tur tha,khawl tha zawka hna thawh dan turte duangchhuak thiam tur leh rilru leh ngaihtuahna hmang thiam tur in a chah nghal a ni.
Dr C Vanlalramsanga,Secretary, Planning ( Science & Technology) Department chuan vawiin programme hi a kaihruai a, Ram hruaitute hmalaknain Science & Technology lamah nasa taka hmasawn chhoh anih thu leh tan lak zel anih tur thu sawiin helama thawktute leh Essay Competition-a tel zawng zawngte hnenah lawmthu sawiin tan la sauh sauh turin a chah.
Dr. RK Lallianthanga, Chief Scientific Officer leh Member Secretary, MISTIC chuan he Essay inziahsiak hi National Science Day 2016 lawmna kal zel anih thu sawiin he intihsiakna hian a tum ber chu mizo mipuite zinga Science & Technology lama hmasawnna tura mipuite hmathlir hrang hrangte hai chhuah anih avangin intihsiakna thupuiah pawh ‘Science & Techology – Mizoram hmasawn nan’ tih thlan anih thu a sawi.
Essay inziahsiaknaah hian mi 75 an tel a, category hrang hrang pathumah then niin lawmman latute chu a hnuai a mite hi an ni :
General Category :
- Dr.K.Lalnghinglova, Ramhlun South, Aizawl
- C.Lalrochhuanga, Serchhip
- V.laltanzuala, S.Chawilung, Lunglei District
Zirlai (College/University) Category :
- Lalthantluanga Chawngthu,MizoramUniversity
- Vaninmawia Khawlhring,Govt.MizoramLawCollege
- Zorammawia,MizoramUniversity
Zirlai (High School/Higher secondary) Category :
- Zodinthari Lungtau,DawrpuiSchoolof Science & Technology
- Lalliantluangi Chawngthu, St.Pauls HSS
- Remchhingpuii,DawrpuiSchoolof Science & Technology
Category tinah hian mi 5 zelin Consolation prize an dawng zel a ni.
