Pu H Liansailova, Finance Minister chuan vawiin khan IPR Auditorium ah  Mizo History ( Mizo hnam hrang hrangte chanchin ) Pu Hrangthiauva ziah leh Mizo Chanchin (History & Culture of the Mizos) Pu Hrangthiauva leh Pu Lal Chungnunga ziah kum 1978  a chhut, chhutnawn leh chu a tlangzarh. Minister chuan Pu Hrangthiauva chanchin tawi sawiin lehkhathiam hmasa anih thu leh khawchhiar atan ruat anih thute a sawi a, heng lehkhabu tlangzarhte hian Mizo chanchin a chhui  nasa hle a, mipui in an chhawr tangkai ngei a beisei thu a sawi.

Tlangzarh inkhawm hi Pu C. Laitanga’n a kaihruai a, heng lehkhabu publisher Pu C Chhawnvawra’n inhmelhriattirna leh sawihona hun a hmang a. Dr. Sangkima, Principal Govt. Aizawl College leh Secretary, Mizo History Association  in lehkhabute thlirna a nei a ni.