Vawiin chawhma khan School Education Minister Pu H. Rohluna chuan Special Central Assistance (SCA 2014-2015) sum cheng nuai 120 (za leh sawmhnih) senga sak Education Guest House & Training Centre, Lunglei chu a hawng. He hunah hian MYC Chairman Pu Joseph Lalhimpuia, School Education Commissioner Pi Esther Lal Ruatkimi, IRS, School Education Director Pu K. Lalthawmmawia IAS, Department hrang hrang official-te leh chanchinbumite an tel.

Kum 2014-2015 khan he Education Guest House & Training Centre, Lunglei sakna tur atan hian Special Central Assistance (SCA) kaltlangin Rs. 120.00 lakhs hmuh a ni a. Administrative approval leh expenditure anction neih fel a nih velah tender tih chhuah a ni a. Tender chhangtute chhanna uluk taka endik a nih hnuah Lushai Engineers-te chu a hna thawk tur hian thlan an nit a a ni. A tul angte buaipui fel a nih hnuin a sakna tur hmunah a lungphum hi School Education Minister Pu H. Rohlunan 3rd May, 2016 khan phumin hna hi 1st June, 2016 khan thawh tan a ni. 18th August,2017 khan he building hi zawhfel a ni. A building pumpui zau zawng hi 436.83 sq. feet a ni.