Pu H.Rohluna, Industries Minister chuan Prof. Ram Raja Sekharan, Director Central Food Technological Research Institute (CFTRI) leh a thawhpui Scientist-te an office Mysore-ah nimin (15.12.2014) khan Mizoram Food Processing Industry tihhmasawn dan tur chungchang a sawipui a.

Minister chuan Mizoram Agriculture leh Horticulture thar chhuah te sawngbawlna (Processing, Preservation, Packaging etc.) tunlai (Modern) technology thiamna leh hriatna Mizoram Food Processing Industry neitute leh thalai la din zel tumtu ten an mamawh thu a hrilh a. Mizoram tan a bik taka training buatsaih sak turin a ngen a. CFTRI Director chuan Minister ngenna chu ngaipawimawh in Mizoram mamawh ang zelin tihhlawhtlin a nih tur thu alo hrilh nghal a ni. Pu H.Rohluna chuan Director Industry leh Official-te nena indawr zui thin turin a hrilh nghal bawk a ni.