Vawiin hian Parliamentary Secretary for Revenue, Pu H. Zothangliana leh Parliamentary Secretary for Trade & Commerce Pu Joseph Lalhimpuia te chuan Lawngtlai a Trade Facilitation Centre sakna hmun tur an en.

Trade Facilitation Centre Lawngtlai a sakna atan hian Ministry of Commerce & Industry hnuaia APEDA ( Agricultural & Processed Food Product Export Development Authority) atangin Rs. 4.32 Crore ruahman a ni a, hemi atang hian 1st installment Rs. 2.16 Crore chu March thlak khan hmuh a ni tawh nghe nghe a ni. Amaherawhchu a sakna hmun tur hi thlan fel a la nih loh avangin vawiin hian Parliamentary Secretary pahnih te leh Secretary Trade & Commerce, Pu Zothankhuma te chuan a sakna hmun tur hi an rawn en a, Pu V. Vanhranga ram pek chu a hmun atan hian thlan fel a ni. Hetianga a hmun tur tihfel a nih tawh chuan a sak hna pawh tan nghal tawh tur a ni.

Vawiin a Trade Facilitation Centre sakna hmun tur enna ah hian Lawngtlai Bawrhsap Pu J. Hmingthanmawia leh District Council a Executive Member Revenue changtu T. Zakunga te an tel a, hei bakah hian RDS Company atangin aiawh an rawn tel bawk a ni.