Pu H. Zothangliana, Parliamentary Secretary, Higher & Technical Education chuan vawiin khan Dr. Abdul Hannan Barbhuiya, Asst. Professor and Head, Department of Economics Govt. Kalamanagar College Chawngte lehkhabu ziah ‘Cost and Finance of Higher Education in Mizoram ‘ chu a tlangzarh. Tlangzarh inkhawm hi I&PR Auditorium-ah neih niin Dr. B. Vanlalruala, Principal, Govt. Kalamanagar College Chawngte in a kaihruai a.

Pu Zothangliana chuan lehkhabu tlangzarh hi zirlaite leh zirtirtute bakah ram hruaituten an hman tangkai ngei a beisei thu a sawi.Central sorkar in zirna sang tihhmasawn nan scheme thar Rashtriya Uchchatar Siksha Abhiyan (RUSA) a buatsaih thu sawiin Pu Zothangliana chuan Central sorkar in Mizoram higher education atan cheng vaibelchhe 61.39 min ruahman sak a, bul tan nan cheng vaibelchhe 2.72 chu min lo pe tawh a ni a ti. He scheme zarah hian Mizoram a zirna sang chu a chawikang ngei a beisei thu a sawi bawk.