Mizoram Sorkar chuan Socio-Economic & Caste Census (SECC) chungchanga mipuite hriattur pawimawh hrang hrang a hnuai ami ang hian a tarlang a ni.

1. Socio-Economic & Caste Census (SECC) hi kum 2011 a chhiarpui neih a ni a. Hetah hian mihring awmzat mai bakah chhungkaw dinhmun hrang hrang ziak leh chhiar thiam kawngah te, caste leh sum dinhmun te en tel nghal a ni.

2. SECC List hi BPL List siamna tur a ni a. Central Government atanga socio-economic welfare scheme hrang hrangah hman tur a ni bawk.

3. Mizoram Sorkar chuan 27.6.2014 atang hian SECC Draft List hi mipuite hmuh theihin a phochhuak dawn a. Khawtina VC/YMA/YLA leh Aizawl veng tina LC/YMA/YLA te hnenah leh BDO/SDC te hnenah en theihin a awm ang a. DC office-ah en theih a ni bawk ang.

4. He SECC List-ah hian awmlo emaw diklo chungchangah Claims & Objections siam theih hun hawn a ni ang a. Tarchhuah a nih atanga ni 21 chhung siamthat duh nei emaw ten July ni 17, 2014 ral hma in a hnuai a form tarlan hmang hian sawisel theih a ni ang:

a) Form A – List a lang midang complaint theihna.

b) Form B – List a mahni chhungkaw chungchang (particulars) diklo siamthat dilna.

c) Form C – Chhiarpui neih laia telhloh/ awmloh vanga chhungkaw hming lang velo telh dilna.

5. Sawiselna Claims & Objectives Form-te hi a thehluhna tur bik DC ten an ruat Panchayat (Village/Ward) Level Officer hnenah lam in, fill up hnuah thehluh leh tur a ni ang.

6. Claims & Objection-te hi a chingfeltu tura ruat Designated Officers (BDOs/SDCs, etc) ten 24.7.2014-ah an chingfel vek tur a ni a. DO te thutlukna a lungawilo chuan July ni 25, 2014 atanga July ni 31, 2014 chhungin DC te hnenah an zualko (appeal) leh thei ang.

7. He SECC-2011 Draft List hi Mizoram mipuiten en chiang a, a dik thei ang bera SECC Final List siam tura Sorkar, NGO te leh mipuite tangho tura ngen a ni.