Ni 19th December 2012 Nigani chhun khan Pu Lal Thanhawla chuan National Disaster Management Authority (NDMA) hruaitute M. Shashidhar Reddy, Vice Chairman, leh Pu V.K.DuggaL Member, NDMA kawmna a nei a. NDMA Vice -Chairman leh member te bakah NDMA top official ten an tawiawm.

Pu Lal Thanhawla hi Pu Liansailova Minister, Planning/Finance/Agriculture etc te, Pu P.L Thanga Member Secretary, State Planning Board leh Pu Lalramthanga, Principal Secretary to Chief Minister ten an tawiawm.

Pu Lal Thanhawla hian Ramhlun Veng leimin siam thatna tura NDMA hotuten theih tawp min chhuahpuina ah te, Geological Survey of India (GSI) mithiam rual Delhi, Kolkata leh Shillong atanga field operation nei lai te pawh ko kira Ramhlun Veng leimin project atana min huikhawm sak thu leh GSI mithiamte hmalakna avanga lawmthu a sawi hnuah Ramhlun Veng leimin siamna tur project a rang thei ang bera min sanction sak nghal turin Pu Hawla chuan a ngena. Tin, Mizoram hmun hrang hrang Mamit, Saiha leh Ngopa khua pawh hmanhmawh taka leimin venna hna kalpui a tul zia a sawi bawk.

Pu M. Shashidhar Reddy leh Pu V.K. Duggal te chuan “GSI expert team report dungzui hian project hi rawn siam tha leh ula. Sum mamawh a pung anih pawhin keini mawhphurhna nise ; revised project in submit atanga ni reiloteah sanction turin kan lo ti fel ang. Tin, project team rawn siam ula, monitor dan tur ruahmanna leh helai hmun leimin siam tu tuihawk luan kawr leh a behbawm siam thatna turte, Ramhlun Sports Complex leh a chhehvel humhalhna tha zawk kalpui dan turte rawn siam tel bawk rawh u. Tin, Aizawl in sak dan leh tui hawk luan kawr siam that dan tur ruahmanna te bakah project implementation kalpui dan tur fel tak ruahmanna in siam bawk dawn nia. Thai chhunga hmala hman ngei turin muanchang lovin theihtawp kan lo chhuahpui ang che u”, an ti.

Hei vang hian Ramhlun Veng leimin tuar te tan leimin siam thatna leh a mamawh dang dangte a piang thuai ang tih beisei awm takin a awm ta.