Kawnpui bialtu MLA Pu Hmingdailova Khiangte, Chairman Youth Commission chuan vawiin khan Kawnpui-ah Boys Hockey Academy Pavillion ama MLA Local Area Development Scheme hmanga cheng nuai 3 senga sak a hawng.

Hawnna thu sawiin Pu Hmingdailova Khiangte chuan Mizorama Hockey a thar a uar chho leh turin sawrkarin tan a la mek a ni, a ti a. Hockey thiam avanga eizawnna siamsak tur mi awm se chu hmun ruak zau tak a awm a ni, a ti a. Infiamna lama tui mite chu sawrkarin Hockey nasa taka chawisan a tum mekna ah tan la sauh sauh turin a chah a ni.

Tuirial Constituency Hockey Tournament khelh mek chu vawiin hian MLA hian a khar nghal a. Kharna ah hian Final match hmuhnawm tak, Kawnpui Hmar veng leh 1st IR Bn. Hockey team ten an khel a ni.