Vawiin khan Venglai Taitesena Hall, Kolasib ah Pu Hmingdailova Khiangte, MLA chuan Mizoram Youth Commission huaihawt MYC Youth Summit & Road Show a hawng.

Khuallian chuan thalai tamtak thiamna nei hna nei silo te tan MYC in ke a pen chu lawmawm a tih thu sawiin eizawnna kawng hrang hranga rilru leh ngaituahna seng turin thalaite a sawm a, kawng hrang hranga zirna mai bakah hnathawh tur thlengin MYC leh a thawhpui te chuan kawng an kawhhmuh thei a, thalaite tana Sawrkar ina hmalakna thatak a neih chu chhawr tangkai theuh turin a sawm bawk ani.

Mizoram  Youth  Commission  (MYC)  chuan  Mizoram  District khawpui  tinah  MYC  Youth  Summit  &  Road  Show  2018  a  huaihawt dawn  a; MYC  Youth  Summit  &  Road  Show  2018  hawnna  (Kick  Off)  hi Aizawlah ni 17 &  18 April,  2018  khan Assembly  Annex,  Aizawlah  neih niin  chumi  hnuah  Kolasib ah vawiin khan neih a ni a, Mizoram  District  tin khawpui  theuhah  neih chhunzawm zel a ni ang a; a kharna hun chu District danga tih zawh hunah Lungleiah hman tura ruahman a ni .

  Youth  Summit  hi  kawng  hrang  hranga  Mizoram  thalaite hmasawnna  tura  infuihna  leh  inzirtirna  hun  atan  te,  Skill Development  lama  thalaite  hmasawnna  tur  thil  tul  chi  hrang  hrang inhrilh  hriat  nan  te,  lehkha  zirna  leh  hnathawh  tur  thlenga  kawng inkawhhmuh nan tangkai taka hman tura ruahman a ni. MYC Youth Summit &  Road Show  2018  hi  Skill Development leh Youth  Affairs  lama  hmalakna  neiho  Mizoram  sawrkar  Department hrang  hrang  eng  emaw  zat  bakah  Private  Agency/Firm  eng  emaw  zat nen thawk hoin hun hman a ni dawn a; he hun hman naah hian  MYC chuan  Stall  a  siamsak  vek  hlawm  dawn  bakah,  Mizoram  thalaite hmakhua atan pawimawh hrang hrang  kawng kawhhmuh pui nan leh  thalaite  tana  intihsiakna  buatsaihnaa  an  mamawh  hrang  hrang senso pawh MYC-in a tumsak theuh dawn a ni.

Vawiina Youth Summit & Road Show ah hian Sawrkar Department Hrang hrang bakah Private partners Aizawl leh Kolasib atang bakah  Self Help Group Vairengte leh Bilkhawthlir atang te in Stall chi hrang hrang 26 hawn a ni a, tlawhtu mi 800 vel an awm a. MYC chuan Stall hawngtu te bakah Summit a hlawhtlin theih nana Department hrang hrang hnathawk, NGO te bakah Summit Chhimtu kolasib mipuite chungah lawmthu a sawi a ni.