School Education Minister Pu H. Rohluna chuan nimin Ni.18.5.2016 khan a bial chhung Ngopa khua a SBI Branch ATM Booth thar a hawng a, Hawnna Inkhawmah thu sawiin Minister chuan Mizoram hmarchhak area a ATM hawn alo ni ta chu thil lawmawm tak a ni tiin a neitu mipui te chu uluk taka enkawl turin a chah a ni. ATM Booth chu rawk chi ani lova khawvel hmun dangah pawh rawk tum an hlawhtling ngailo a ti.

Minister chuan vawiin khan Teikhang tlawhin Cheng nuai 14.2 senga sak Rest House a hawng a. Teikhang Hall a amah lo lawmtute hmaah thu sawiin Development chu nawr ngai deuh awm mahse dawhthei taka nghah pawh a tul fo thin a ti a, sawrkar chuan mipui mamawh a hria a, ati zel bawk thin, a ti. Pu H.Rohluna chuan mimal hna ani emaw sawrkar hna a ni emaw contract hna pawh nise rinawm tak leh taima taka thawk turin kalkhawmte a chah a ni.

Minister hi a bial chhung khaw hrang hrang fangin sawrkar hmalakna leh hna kal mek te a hmunah tlawhin a en kual zel a, SDO(C)Ngopa, official dangte leh party hruaitu ten an tawi awm a ni.