Vawiin khan School Education Minister Pu . Rohluna chuan Pu Lalhmachhuana Zofa lehkhabu ziah bu hnih ‘Mizo Tlang Hmingthangte’ Vol I leh Vol II chu Zonet Studio, Zarkawt-ah a tlangzarh.

Pu H.Rohluna chuan Mizo Tlang Hmingthangte hi Zofate tan lehkhabu ro tling leh tangkai anih ngei a beisei thusawiin heng tlang hmingthangte behchhanna a pipute thawnthu leh heng tlangah thil thleng pawimawh tak tak chu thangthar leh mipui nawlpui tan chuan thil ngaihnawm leh hlut tlak a nih ngei a beisei tih a sawi bawk.

Minister chuan he lehkhabu hian chhiartute rilru a ram ngaw leh nungcha chi tinreng humhalh duhna rilru an thinglungah a put tir ngei a beisei thusawiin kan ram ngaw kan tih chereu hian mahni tan pawi kan khawih anih tih hi hriat reng a, ram ngaw tunah kan neih ang ang te duat taka enkawl a a chereu zel tur ven hi Ringtu ten kan mawhphurna a ni, a ti bawk.

Lehkhabu tlangzarh inkhawm hi Pu Vannneihtluanga chuan kaihruaiin Rev Dr. Chawnghmingliana chuan hunserh a hmang a, Pu T.C Zonunsanga’n Lehkhabu Thlirlawkna hun a hmang bawk.

Pu Lalhmachhuana Zofa hian lehkhabu 66 ziak a tawh a, la chhuah lo lehkhabu 20 chuang a nei bawk.