3095/2023-2024

Reliance Jio Fiber Internet hawnna hun hi Kahrawt YMA hall ah neih a ni a, he hun hi Er.CL Thangliana chuan kaihruaiin, Pu James Lalrinchhana, MCS Deputy Commisioner, Champhai District chuan khuallian niin Reliance Jio Fiber Internet hi a hawng a, khuallian chuan thu sawiin champhai district hmasawnna atan a pawimawh tak Reliance Jio Fiber Internet pawhluh a ni leh ta chu lawmawm a tih thu a sawi a, internet chu mitin mamawh a nih tawh avangin a pawimawh em em a, a thawktute pawn theihtawp khan chhuah a ngai a ni a ti a, he internet hian kan kal lehzelna turah nasa takin minpui dawn a, kan ngaihpawimawh angai a ni a ti bawk.

He internet kaltlang hian thiamna, finna leh khaw hawi zauna kan nei thei dawn a, office hrang hrang mai bakah mipui ten hna awlsam zawkin kan thawk thei anga, thilthleng rang tak tak kan hmuh theih mai bakah kan zir thei dawn a ni a ti bawk a, champhai district a tuna internet lutsa te nen pawh hian a tha ber nih tumin an inbuatsaih mek zel a, Champhai District-ah internet chaktha tak neih tumtheuh turin a chah bakah tuna lo lut thar Reliance Jio Fiber Internet chu champhai district tana theihtawp chhuah turin a ngen nghal bawk a ni.

Reliance Jio Fiber Internet hi Vairengte, North Kawnpui, Kolasib, Aizawl leh Lunglei District te an tuam tawh a, tunah hian Champhai District ah hma anla tan leh ta a ni.