Pu J.H. Rothuama, Minister, Land Revenue & Settlement chuan a thawhhnihna atan vawiin chawhma dar 11:00 khan Kanan Venga P.D. Sena Memorial Hall-ah MLA LAD fund hnuaia puanthui khawl 105 a sem.

Thu sawiin Minister Pu J.H. Rothuama chuan puanthui khawl vawi 2 na sem theih a, a awm chu a lawmthu sawiin tuna sem mek hi December 2011 lama rawn thawn chhoh tawh ni mahse VC election anih chhoh tak avang leh Champhai Congress South Block inthlan in a zui leh tak avangin vawiin ah chauh sem a nih tak thu sawiin Puanthui khawl dawngtuten chhenfakawm taka an hman ngei a beisei thu a sawi.

Sorkar hian mi rethei leh harsa zawk te dawm kan chu a tum ber anih thu sawiin Minister chuan mitin in, a bikin mirethei zawk ten nikhata chaw vawi khat aia tam an ei theih nana ni za inhlawh a duanchhuah te, thingtlang hla zawka awmte chenna a lo zia awm zawk theih nan rangva sem te pawh a la chang ve lo tana ngaihtuah sak zel tum anih dan te sawiin tun aia nasa taka electric power lama kan lo intodelh theih nan Mizorama lui hrang hrang Tuivai, Tuichang, Tuirini te pawh khuah belh zel tura hmalak mek anih dan te sawiin Minister chuan kan ram in kawlphetha a intodelh mai bakah State danga hralh chhuah tur khawp nei thei turin sorkarin nasa takin tan a la mek a ni a ti.

Champhai chhung bikah pawh kum thum chauh an la sorkar chhungin zirna sikul tha tak Kendriya Vidhyalaya school din a ni tawh in, Polytechnic school sak zawh tep a ni tawh a, Zotlang ah pawh Field tha tak hman mai theih tawhin a awm a. Heng bakah hian Keilungliah chu khuah tura hmalak mek a ni bawk. Zokhawthar, Melbuk, Kelkawng, Mualkawi ah te pawh Sub-Centre thuam chhoh mek zel a niin veng leh khaw hrang hrangah High School building te pawh sak chhoh mek bakah sak chhoh belh zel tum anih thu a sawi bawk.

Puanthui khawl te hi Minister Pu Rothuama nupui Pi Denghmingliani’n a sem a, zanah Champhai ah chamin naktuk ah Minister leh amah rawn tawiawm tute hi Aizawl panin an hawng ang.