Pu John Rotluangliana Deputy Speaker, Bialtu MLA ni bawk chuan a bial chhung khaw hrang hrang khaw thumah-ah ni 31.8.2012(Zirtawpni) ah DRDA Mamit District hnuaia BNRGSK Buildings Damparengpui Rs 15 lakhs/- senna leh Tuipuibari Rs 9,66,000 /- senna hawngin ni 1.9.2012 (Inrinni) hian Rajiv Nagar-ah Rs 9,66,000/- senga sakte a hawng.

Heng khuate a BNRGSK Building sak hawnna-ah thusawiin Pu John Rotluangliana Deputy Speaker chuan BNRGSK Building chu sawrkar leh mipuiin tangkai taka an hman tur a ni a, khaw mipuite chu a neitu tak tak an nih avangin dimdawi leh uluk taka enkawl turin a chah a, a building leh a chhunga bungraw awmte him taka veng turin a chah a ni.

Tun sawrkar kum li vel chhunga helai bialin hmasawnna a neihte tarlangin, tunhma a MLA leh Minister te pawhin kum tam tak an lo bial tawh chhung aiin tun sawrkar kum li chhunga hmasawnna chu a nasa hle zawk a ni a ti.tun hma a la awm ngai lo Community Hall, Field, BNRGSK Building leh adangte khaw tinah a awm ta a, hmasawnna hmachhawp tam tak a la awm a ni a ti bawk. Sawrkar Flag ship Programme NLUP chungchang sawiin Mizoram hmun hrang hrangah a hlawhtlinna hmuh tur tam tak a awm a, hei lo hi minawlpui huap, mirethei zawkte tana dinchhuah pui theih tur Policy a la awm ngai lova, chuvangin nangmahni tana ruahman a nih angin dinchhuahpuina atana hmang turin a chah a, a ti hlawhtlinglo bikin nih chuan a ti hlawhtlingte hnenah in tu leh fate an la inhlawhfa mai palh ange a ti bawk

Deputy Speaker chuan Tuipuibari-a PHC Building sakna tur hmun a tlawh a, he building sak nan hian 82lakhs ruahman tawh niin a satu tur pawh thlan fel tawh a nih tawh thu sawiin RAjiv Nagar-a RMSA High School a tlawh bawk a, Girls Hostel sak lai mek pawh a hmunah a en nghal bawk a ni.

Deputy Speaker hi Pu R.S Lalzamliana, Addl D.C, Mamit, Pu C. Lalpeksanga Project Director DRDA Mamit leh Officials engemawzat in an tawiawm a ni.