Vawiin chawhma dar 11:30 hian MZP Headquarters Mamit buatsaihin Zirlai ti thate chawimawina hun Chhimveng YMA Hall-Mamit a neih chu Pu John Rotluangliana Deputy Speaker, Bialtu MLA in a hmanpui. 

He hun Pu C. Ramhmingsanga Hualhang Vice President MZP Hqrs Mamit kaihhruaiah thusawiin Pu John Rotluangliana Deputy Speaker chuan MZP Hqrs Mamit tena a Zirlai titha te chawimawina hun an buatsaih thei chu lawmawm a tih thu a sawi a, he chawimawina hun hman dawn a vanga MZP Hqrs ten mahni inhlawhfa a, hetiang hun in buatsaih thei hi thinlung tak in lawmawm ka ti hle a ni a ti. Zirlai duhawm tak tak vawiin a chawimawina dawngte leh la dawng rih lo te pawh in zirlai ah chiang ula , saptawng hi hlauh tur a ni lo a, inbiak pawhna mai a nih a vangin hmang pawp pawp rawh u a ti a in zirnan TV leh Computer hmang tangkai ula, thiam loh in neih pawhin thiam lo ngam ula thiamloh zak suh u tiin zirlai kalkhawm te a chah a, thumal pakhat tal nikhatah thiam tum turin ka chah duh che u a, vawiin a in thian te chawimawina dawn hian nangmahni theuh ah thahnem ngaihna pe che u sela ka duh a ni. Tuna zirlai te hi nakin a kan ram hruaitu tur te in la ni dawn a ni a ti a. Mizoram ah HIV/AIDS vei kan tam KS kan tam kan ti thin mahse Zirlai duhawm tak tak chutiangin a tihbuai veloh tam tak kan nei che u a ni tiin zirlai kalkhawm te a fuih bawk.

Vawiin a chawimawina dawng tute hi HSLC ah mi 15 Mipa 11 leh Hmeichhia 4 te an ni a. HSSLC ah mi 18 Mipa 9 leh Hmeichhia 9 te hnenah Chawimawina Certificate leh pawisa fai hlan an ni. he hunah hian Subroto Football Cup Under 17 a Champion Govt Mamit High School Coach leh Manager hnenah chawimawina Certificate hlan an ni bawk.

He hunah hian MZP President Pu V.L Kroshnehzova, Pu P.C Lalthianghlima DPC SSA Mamit, Pu Lalhlupuia President Join V.C Mamit ten thu an sawi an sawi bawk a ni.

He hunah hian Zirlai nu leh pate leh Zirlai naupangte an tel tha hle a ni