Pu John Rotluangliana, Dy Speaker chuan vawiin khan Mizoram Florists’ Association buatsaih Florist Fair a hawng. He Fair hi October 10 - 14 chhung Assembly Secretariat Annexe Garrage ah neih a ni ang.
    
Pu John Rotluangliana chuan Florist Association ten hetiang Fair an buatsaih chu lawmawm a tih thusawiin pangpar hi eizawnna tling tak tak a ni tawh a, Aizawl mai nilovin district dangah pawh hetiang hun hi buatsaih thin nise a ti a.

Dy Speaker hi Pu K Lianzuala, Chairman, MKVIB leh Pu NP Chakma, MLA ten an tawiawm a. Tun tum fair ah hian florist member 47 ten pangpar tiak te, House plants phun tur leh a puitling tawh sa te pawh zawrh a ni.