Pu John Rotluangliana, Minister FCS&CA etc. chuan vawiin khan Mamit tlawhin,sorkar official te leh khawtlang hruaitute a kawm.

Minister hian Mamit District Civil Supply Office tlawhin ration card siamthat hnathawh meka an hmalakna leh thlen chin te a en a. Minister chuan Supply Department te chu mi zawng zawng fairel bel khawihtu kan nih avangin taima tak leh fimkhur taka hna kan thawh angai a ni, a ti. Ration Card pawh semchhuah dawnah ennawn leh turin a chah bawk. Ration Card siamthat hna hi Mamit DCSO lam chuan an thawk zo tep tawh a, siamthat ngai zawng zawng siamtha tawhin download tur tlem hmabak an la nei a ni.

He hunah hian Minister hi FCS & CS Director leh Joint Director ten an tawiawm a ni.

Mamit hi Principal Distribution Centre ni tur in rawtna a kal mek a, ruahmanna a tul ang siam zawh tawh a ni. Tun dinhmunah Mamit Kudamah hian 3000qtl dahkhawl theih a ni a. Furpui laia buhfai dahkhawl nan Marpara, Tuipuibari, Pukzing leh Silsury te ruahman a ni bawk. Mamit District ah Ration Card nei 19,192 awmin; AAY = 1879, PHH = 9107 & Non NFSA = 8206 te an ni.

Pu John Rotluangliana chuan Mamit khawchhunga sorkar officer awm te leh khawtlang hruaitu te LAD Conference Hall-ah thingpui a inpui a,Mamit in chhiat an tawhnaah sorkar official te leh khawtlang mipui te tanrualna chu chhuanawm a tih thu sawiin,Bialtu MLA nih a ti nuam hle a ni a ti. Thawhhona tha tak nena khawtlang hmasawn nana thawkho zel turin Minister chuan kalkhawm te a sawm nghal bawk.

Vawiin inkawm honaah hian khawtlang hmasawnna tura ngaihtuah ho ngai te leh District dinhmun inpawh tlang taka sawiho a ni.