Tunlaia Lunglei khawpui chhung leh a chhehvela Vawk natna chungchangah AH&Vety Department, Lunglei District chuan he natna hi a punlun zel loh nan theihtawp chhuahin hma a la mek a. Tuna vawk natna hi eng natna ber nge tih enfiah turin ran damlo thisen pawh Aizawl lamah endik tura thawn a ni tawh a, reilote hnuah result a hriat theih beisei a ni.

Hemi chungchangah hian Lunglei AH&Vety Department chuan mipuite hnenah hriattirna leh ngenna hetiang hian a siam a ni :

1. Ran dam lo hlek chu phone hmanga be mai lovin Vety Hospital-ah kalin Doctor-te rawn vat thin tur a ni.

2. Ran dam lo thi reng reng dai velah paih mai mai lovin, thuk tha taka phum bo/hal ral tur a ni.

3. Sa talhtute leh Ran vulhtuten ran dam lo talh emaw ser a hralh chhuah loh hram tur a ni.

4. Ran vulhtuten Ran In intlawh pawh sak tawn loh hram nise.

5. Hri danna (Vaccine) kan pek dawn reng rengin Ran hrisel tha chauhah pek tur a ni.

6. Ran In-te disinfectatnt (tuisen, phenol, dettol, etc) hmanga silfai thin tur a ni.

7. Ran damlo reng reng a theih hram chuan a dang awmna atanga hla thei ang berah dah hran hmak tur a ni.

8. Vawk vulh tur kan lak thar reng reng chu a dang nena dah pawlh hmain karhnih tal hmun hranga dah tur a ni.

9. Ran dam lo emaw Ran thi awmna Ina ran dang dah leh hmain disinfectant (tuisen, phenol, dettol, etc) a silfai hmasak thin tur a ni.