Assembly Subject Committee - III member ten Saiha leh Lawngtlaia Greater Water Supply Scheme an tlawhnaa kal ve South Tuipui bialtu MLA leh Law Commission Chairman Pu John Siamkunga chuan nimin khan Tuipui lei dawh mek a hmunah a en a. Bialtu MLA hi Tuipui khawtlang hruaitute leh Engineer in a lo dawngsawng a ni.

Pu John Siamkunga chuan lei dawh hna hi hmanhmawh leh belebut deuha thawh chi a ni lova, nut pakhat pawh hmanhmawh avangin lo ti nghet lo sela, thil pawi tak thleng thei a nih avangin dawhthei taka kan nghah a ngai a ni tiin S. Vanlaiphai Group YMA leh Young Lai Association Sub Hqrs Sangau-in October thla chhunga zo tura an phut chu thil theih a nih loh thu sawiin nghak hram hram turin a duh tih a sawi. Lei panna tur lei te/tawi dawh mek pawh ruahmanna thar siam a tul dawn niin a lang a, SDO (C) te nen thil in lo sawiho ang a, tha taka thil kan tih theih ngei ka beisei a ni a ti.