Vawiin chawhnu dar 1 khan Chief Secretary Conference Room ah National Health Mission hnuaia 5th Governing Body Meeting neih a ni. He hun hi Chief Secretary Pi L.Tochhong chuan a kaihruai a, meeting ah hian NHM 2014 - 2015 budget te thlirho a ni a, hmalak dan turte sawiho in, District tih chakna turte an rel bawk a. NHM hnathawh that vanga cash incentive dawn dan turte an rel a, Human Resource policy State Programme Mangement Unit in a duan chu an pawm bawk a ni.

He meeting ah hian Dr. K.Ropari, Principal Director, Dr. Rohmingthanga Ralte, Director of Health Services, Dr. Lalbiakkima, Director, Hospital & Medical Education bakah Health Department a Officer hrang hrang leh Director, Presbyterian Hospital te, Medical Superintendent, Serkawn Christian Hospital te MUP leh MHIP atangte in an kal khawm a ni.