14.8.2017 (Thawhtanni) khan Parliamentary Secretary leh bialtu MLA ni bawk Pu Joseph Lalhimpuia chuan Zobawk a Primary Health Centre sak mek a hmunah tlawhin a enfiah a, Lunglei District CMO Dr VLMS Dawngliana, Lunglei Medical Superintendent Dr. K. Lalsanga leh official dangte bakah khawtlang hruaituten and tawiawm a ni.

Pu Joseph Lalhimpuia chuan a hmunah official leh contractor-te kawmin he Primary Health Centre building sak hna kal mek sawipuiin, hnathawk tha a tih thu a sawi a. Hna kal mek bakah hmachhawp hrang hrang awmte leh a thawktute chenna in staff quarter sak tur chungchang te an sawiho bawk.

Zobawk Primary Health Centre lungphum hi 12^th August, 2016-khan Pu Joseph Lalhimpuia’n a phum a. PHC Plot Area hi sq.m 432.45-a zau niin, a sakna tur estimate hi cheng nuai 126.75, 13th Finance Commission atanga sum sanction a ni. Minor Operation Room, mipa leh hmeichhe ward, Laboratory, Medical Officer Room, Ayush leh damlo mutna tur khum 10 leh rain water harvesting na tur litre 5000 te a awm tura duan a ni bawk.