Superintendent of Police, Traffic, Aizawl City chuan Mizoram State Sorkar Notification No.B.12021/10/04-TRP Dt.22.8.2008 leh Section 115 & 111 of MV Act in thuneihna a pek angin ni 27.01.2017-a Notification a lo chhuah tawh Vide No.RO/TRF/SP-Noti-7/08/126 chu kawng chhiatna hmunah mihring kea kalna kawng/lei siam zawh a nih tawh avangin mipui kawng hmangtute remchan zawkna tur leh himna atan a hnuaia mi ang hian lirthei tlan dan tur ruahmanna thar siam a ni a. He ruahmanna thar siam hian a hmaa lirthei tlan dan tur ruahmanna siamsa chu a luahlan nghal ang.
1. Sikulpuikawn to Raj Bhawan South Gate-via-Upper Khatla chu LMV (207/407 huam tel lovin) tlan tlang phal sak a ni.
2. Raj Bhawan South Gate to Sikulpuikawn-via-Upper Khatla chu LMV leh a chung- lam tan tlan tlang phal a ni lo.
3. Two wheelers erawh chu chhim leh hmar zawngin a chunga sawi kawngah khian an tlan phalsak a ni. A kawng chhiatna lai hi a tet avangin fimkhur leh mi ngaichang tak chunga lirthei khalh tur a ni.
4. Treasury Square atangin chhimlam pana motor lian HMV, MMV leh 407 Truck-te chu Sikulpuikawn lam panin Pi Pangi peng, Upper Republic Road, etc tlan tlangin tlan tur a ni. Hei hian mihring phur Bus Sikulpuikawn atanga Khatla pana tlan let leh turte a huam ang.
5. Upper Republic Road chu LMV leh Two wheelers-te tan khawi zawng pawha tlan theih a ni.
6. LMV/City Bus service mekte, adt. Sikulpuikawn lam pana Treasury Square lam atang tlante chuan Tuikhuahtlangah tlan lawnin PCCF office kawt atangin CYMA Office kal tlangin a tlan theih ang.
7. Sikulpuikawn atanga Tuikhuahtlang lam pan tur tan Govt Aizawl College sir kawngpui Upper Republic kawng chungah tlan tur a ni.
8. Tuikhuahtlang chhip leh Raj Bhawan South Gate inkar kawngpui chu LMV tan englam hawi zawng pawhin a tlan theih a ni.
9. Raj Bhawan South Gate to Sikulpuikawn via PCCF Office, CYMA Office, adt. Pi Pangi Peng to Sikulpuikawn kawngpui dungahte lirthei eng chi mah lirthei tlan tluang lai tibuai thei zawngin hun/park phal a ni lo.
Hei hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang.
He thupek leh hriattirna hi thu leh awm hma chu hman nghal tur a ni.
