Vawiin chawhma dar 11:00 khan Saikuti Hall, Lunglei-ah Industry Sector hnuaia NLUP 4th Phase, 2^nd Installment chu Lunglei East, Lunglei North,Lunglei South leh Lunglei West cluster-a NLUP beneficiary 338-te hnenah Rs. 164,30,00/- tanpuina sem a ni. Pu H. Rohluna, Hon’ble Minister, Commerce & Industries Department chuan khuallian niin he tanpuina sem inkhawm hi a hmanpui.

Pu H. Rohluna, Commerce and Industries Minister chuan NLUP tanpuina dawngtu kalkhawmte hnenah fuihna thu sawiin, “NLUP tanpuina taima tak leh thahnemngai taka in hmana in hlawhtlin pui chuan in chhungkaw chawmna tur in thawhchhuah bakah midang tam tak tan eizawnna in siam sak thei dawn bawk a ni ” a ti. Sawrkarin NLUP kalpui zel a tum thu sawiin NLUP chuan tanpuina dawngtute ei leh bar zawnna kawngah hmasawnna tam tak a thlen mek zel a, tun dinhmunah Mizoram economy chu za zela 9.18%-in a than bakah kan per capita income dinhmun a tha chho zel a ni, a ti a. Mizoram dung leh vangah NLUP tanpuina hmanga chhungkaw dingchhuak hlawhtling tam tak hmuh tur an awm a ni tiin Minister chuan ram humhlah, tui hna siam, tlangram loneih tlakhiam kawngah thleng NLUP chuan nghawng tha tak a nei chho mek zel a ni a ti bawk. NLUP beneficiary-te thlan chungchang pawh sawiin Minister chuan YMA-in khaw hrang hrangah Baseline Survey neiin Village Level NLUP Committee (VLNC)-ten uluk takin beneficiary an thlang chhuak leh thin a ni, tiin a dawngtu tur dik tak ten an dawn chu sawrkarin a ngaih pawimawh hmasak ber thu a sawi bawk.

Vawiin NLUP tanpuina sem inkhawmah hian Pi Lalzarmawii, IAS, Lunglei DC leh District Level NLUP Committtee Chairman ni bawk pawhin thu sawiin Lunglei District chhunga NLUP hmalakna te a tarlang a; Line Department hrang hrang thawhrimna leh thahnemngaihna chu fakawm a tih thu a sawi a. Lunglei District chhungah NLUP 1^stPhase ah beneficiary 7106 awmin, 2^nd phase-ah beneficiary 7408, 3^rd phase-ah beneficiary 5078 leh 4^th phase-ah beneficiary 2656 te awmin tun dinhmunah 1^st phase leh 2^nd phase te sem zawh an nih tawh thu kalkhawmte a hrilh a. NLUP tanpuina sem chu chak taka kalpui chhoh zel niin Line Department-te zingah Fisheries leh Sericulture-ten tanpuina sem zawh tawh thu a sawi a. Zirtawpni 18 August-ah Tlabung bialtu MLA-in NLUP a sem dawn bakah District chhung hmun dangah te pawh sem chhuak tura ruahmanna siam anih chhoh mek thu Lunglei DC hian a tarlang bawk.

Vawiin NLUP tanpuina sem inkhawm hi Pu J. Hmingthanmawia, Director, Commerce and Industries Department-in kaihruaiin Pu F. Lalsawmliana, IPO-in Technical Report a pe a.  Pu F. Lalsawmliana chuan NLUP tanpuina dawngute an hmalak dan tur sawipuiin 2^nd installment an dawn atangin an mamawh hmanrua zawng zawng leikhawma eizawnna puitling nei thei tura tan la turin a hrilh a. Thla khat hnuah an hmalak dan enfiah a nih tur thu sawiin hmalakna hmuh tur awmlo chu Final Installment hren sak (withheld) anih tur thu Beneficiary-te a hriattir. Pu Zathangliana, Lunglei District NLUP Co-ordinator-in lawmthu sawiin huntawp a khar a ni.

Vawiina NLUP tanpuina sem zawng zawng hi Rs. 164,30,000 niin beneficiary 338 an awm a, Industries Sector hnuaia trade hrang hrang 19 thlangtute an ni. Hetiang hi cluster hrang hranga sem dan a ni: