Vawiin chhun dar 12 : 30 khan Pu Joseph Lalhimpuia, Parliamentary Secretary i/c Industries etc chuan District Industries Centre, Siaha a tlawh.

Parliamentary Secretary chuan Industry Department a thawk Officer leh Staff te chu D.I.C. Training Hall-ah meeting tawi neihpui nghalin he meeting hi Pu Lalhmunsiama, General Manager, District Industries Centre, Siaha chuan a kaihruai a. Thu sawiin Parliamentary Secretary chuan hotu fel tak tak in nei hi in vannei hle a ni tiin Thenzawl-a an puantahna hmunah thlaruk chhung in cheng vaibelchhe 13 man an hralh chhuah thin thu leh mi 2000 velin eizawn nan an hman thu a sawi a, Handloom bikah Siaha District chhungah Cluster pahnih Siaha leh Tuipang ah te dah anih thu a sawi bawk. Cultural Dress tah lamah nasa zawk a hma la turin a chah a. D.I.C. Office Building min hlauhawm a awm chu Retaining Wall siamsak an nih tur thu a sawi bakah department hmalak tawhte leh hmachhawp mek te tarlangin Siaha hi thilsiam chhuah lamah midang ten an hriatreng theih nan hma kan laka ruahmanna kan siam a pawimawh a ni a ti bawk. School Education Department bikah High School leh Higher Secondary School zirtirtu Science leh Mathematics Subject bikah Zirtirtu lak theihna Recruitment Rules siam anih tawh thu sawiin hei hian zirlaite harsatna nasa tak a su kiang dawn a ni a ti bawk. High School leh Higher Secondary School Board Exam ah te nakum atang chuan an School atangin 20 % Internal Marks an pe tawh dawn a ni a ti bawk.

Parliamentary Secretary hi Pu N.Zakhai Executive Member, i/c Education, MADC leh Pu T.Chatlua, President M.T.P. Headquarters Siaha ten an tawiawm a ni.