Vawiin chawhma dar 11:00 khan Saikuti Hall ah MUP Assembly 2012 neih a ni. Pu Joseph Lalhimpuia, Vice Chairman, HPC Lunglei chu khuallian niin a hmanpui

Thusawiin Pu Joseph Lalhimpuia chuan Mizo Upa Pawl te hi Mizo Pi leh Pu te nunzemawi chhawm nungtu in ni a, kan hnam nun tlawmngaihna te a ral tial tial a, heng vawng him tur hian upa te hi siam tha theitu tur in ni a, October 1, 1990 hi United Nations Organisation in Upa te Ni atan hman tan Ni atan a puang a, khawvel pumpui ah 15% vel hi upa an awm a ni a ti. Chief Minister zahawm takin upa te duhsak na chanvo hi a ngaipawimawh hle a, tar 900 lai te hnen ah pension pek an ni a ti bawk.

Pu Joseph Lalhimpuia chuan Lunglei District a sawrkar hmalakna thenkhat tarlangin kum 2009 a Chief Minister hova meeting in a rel angin Rahsi Veng a Convention Centre cheng nuai 1800 tur te, Lunglei khawpui chhung a traffic jam tihrehna turin By Pass road Pukpui thlen hma atanga Sazaikawn chu Central pawmpui in detail report submit mek a ni a ti. Thalaiten infiamna lam a hma an sawn theih nan Rahsiveng ah Criket Stadium tur te, Serkawn a khelmual te, Pandawng ram khelmual te, Theiriat leh Ramthar veng khelmual laih mek anih thu a sawi. Tlabung tuipui kai nan Truck pahnih phur thei Marboat HPC sum atanga siam mek anih thu te, Lunglei a Shoping Centre tur pawh cheng nuai 2200 detail project thehluh mek a ni ati bawk. Pu Joseph Lalhimpuia hian Mizo damdawi tih lehkhabu tlangzarhna a nei bawk.

Inkhawm hi Pu B.Lalchungnunga President, MUP in kaihhruaiin Major Lalnithanga C.O Salvation Army in hunserh a hmang a, Pu L.P Chawia General Secretary in report a pe a, Pu C.Thandula, Treasurer in Financial Report a pe bawk a, 2011 leh 2012 chhunga boral ta te sunna hun neih a ni bawk. Lunglei District ah hian MUP unit 141 awmin member 9163 an awm bawk. Chawhnu hun ah hian rorel na neih a ni bawk.