Infiammite chawhphur nana sumfai pek thin Sports Incentive Cash Award 2009-2010 chhung ami chu vawiin khan infiammna hrang hranga ti tha zual 268 te hnenah Rs. 18,72,000/- chu Sports & Youth Services Minister Pu Zodintluanga’n Aizawl Club-a inkhawm buatsaih ah a sem.

Sports Minister chuan Sorkar leh Sports Association te tangrualin thalaite tan theihtawp chhuahin infiamna lamah ruahmanna tam tak kalpui mek a ni a, vawiina infiamna hrang hrang atanga sumfai dawngtute a lawmpui thu sawiin hetiang dinhmun an thlen theihna chhan ber pakhat chu Sports Association te inpekna vang a ni, a ti. Pu Zodintluanga chuan infiamna khawvela lut tan mek thalaite chu inelna an hmachhawn reng rengah chak tumna tak tak thinlung pu tur leh an hlawhchham ni ah pawh nui liam mai mai lo tura chahin an chak lohna chu chaknaa siam ngei thin turin a hrilh a. Chief Minister pawhin thalaite hmakhua a ngaihtuahzia sawi nawnin Mizoram khaw lian leh khaw te pawh thliar hrang lovin thalaite infiamna tur hmunhma buatsaih mek te chu chhang let a, tumruhna leh mahni inthununna nen tan la ve thung turin infiammite a fuih a ni.

 Vawiin inkhawm S&YS Director Pu Lalzirmawia Chhangte kaihhruaiah hian Sports Discipline 15 atangin State, National leh International Level-a ti tha zual mi 268 hnenah Sports Incentive Award  sem a ni a. Heti lai hian Champhai District bika sem tur mi 34 tan Rs.3,30,250/- chu hun remchanga pek tura dah rih a ni. Kum 2009-2010 chhunga Award dawngtu zawng zawng chu an vaiin 302 an ni.

 Hetiang sumfai pek thinna Dan hi 2001 atang khan Mizoram sorkar chuan a ruahman tawh a. Kum 2003 khan he ruahmanna Dan hi changtlung zawkin siamthat leh a ni a, Mizoram Sports Incentive Cash Award tih a lo ni ta a ni. Vawiin thlenga he Award dawng tawh zat chu infiammi 1689 niin a vaia sum pek chhuah tawh zat chu Rs. 107,17,300/- a tling tawh. Sports Incentive Cash Award pek tawh dan hetiang hi a ni :