Vawiin khan DC Conference Hall, Mamit-ah Workshop on Telecom Education and Cable Television buatsaih a ni.
He Workshop Pu Zoramthanga President, District Consumer Association kaihhruaiah Pu Rodney L. Ralte IAS District Bawrhsap chuan Mamit District hi Communication ah District dang aiin kan hnufual a ni tiin Sawrkarin Developmental Scheme hrang hrang hna thawh dawn pawhin communication a that tawk loh avangin duh angin hma lak a chak tawk thei lo thin a, hei hi a pawi hle a ni a ti a, Internet chungchangah Broadband a kan harsatna te sawiin hei hi a ranglama siamthat a tul thu te, hetiang a lo thlen pawhin mipuite pawhin thuneitute hnenah kan thlen zung zung a tul thu leh helama mawhphurtu hnathawktute pawhin a thei ang anga harsat na awmte sutkian zung zung dan an ngaihtuah a tul a ni tiin Service Provider te pawh tan la nasa leh zual turin a ngen bawk.
He Workshop-ah hian Pu Thanglura, General Secretary, Mizoram Consumer Union Aizawl in thusawiin Telecom leh Cable Television chungchanga harsatna awmte sutkian dan sawi ho nghal a ni.
He Workshop-ah hian YMA, MHIP, Zirtirtu leh School naupang thahnem tak an tel a ni.
