Lunglei ah Mizoram University Campus dah a nih ngei theih nan HPC Vice Chairman Pu Joseph Lalhimpuia chuan UGC Chairman Prof. Ved Prakash chu Zirtawpni kalta khan Delhi ah a kawm.Pu Lalhimpuia hian Mizorama zirna tih hmasawn zelna atan Lunglei a MZU Campus dah tura Mizoram Cheif Minister Pu Lal Thanhawla’n UGC Chairman a lo ngen tawh thu leh MZU pawhin pawhin hemi atan hian UGC 12 Plan ah an lo thun tawh thu UGC Chairman hi a hrilh a, Mizoram sawrkar-in a tihtur ang te tih a tum thu leh UGC pawhin an tih tur ang angte theihtawp chhuahin ti ve se a duh thu UGC Chairman hi a hrilhin, Lunglei Gov’t College chu Mizoram University Constituent College atana buatsaih tura a duh thu a hrilh bawk.

UGC Chairman Prof.Ved.Prakash chuan Lunglei a MZU Campus dah a nih ngei theih nana theihtawp chhuah an tum thu leh a la puitlin hma pawhin UGC atanga tanpuina hmuh theih dan tur ngaihtuah sak a tum thu HPC Vice Chairman hi a hrilh a,hemi chungchanga an inkawm zawh hnu Zirtawpni tlai lam dar 6:00 ah UGC Chairman hian Pu Joseph Lalhimpuia hi a thlenna Mizoram House Delhi ah kalchilh lehin Lunglei a MZU Campus dah anih ngei theihna tura ruahmanna a neih te leh a theih anga chaka hmalak nghal an tum dan te hrilh nawn leh a, HPC Vice Chairman hian lawmawm a tih thu leh Mizoram sawrkar pawhin a tih tur tul ang ang te a bawhzui nghal tur thu UGC Chairman hi a hrilh a ni.