Nimin khan Pu Joseph Lalhimpuia Parliamentary Secretary School Education Deptt chuan 37th Annual Fresher Social Mizo Student Union Shillong batsaih chu a hmanpui a. Freshers Social hi U So So Tham Auditorium-ah hman niin Shillonga zirlai thahnem tawk tak leh Shillonga Pawl hrang hrang hruaitute an kal khawm.

Pu Mahima’n  Zirlaite chu an fakawm a tih thu sawiin, a ma zir ve lai ngaihtuah in hnamdang zirlaite nena inpawhna pawh an nei tha tawha a hriatthu a sawi a,   Ama enkawl School Education Dept hnuaia hmalakna tlem a sawi a, Ecucations Reforms Commission in a recommend na dung zuia, an hmalakna zingah 2015 kum atanga zirtirtu zawng zawng Training na tura hmalak a nih tawh thu a sawi a. Primary School Leh middle school Zirtirtute Training pek mek an ni a. Science leh mathematics Teacher in daih loh phuhruk nan heng Subject Teachers lakna tur Recruitment Rules duangin kimin kum tirah engemaw zat lak an ni a ti a. Mizoramah Text Book In ang lo hman thin chu tha lo tiin, Primary School atanga Bul tannin Textbook in ang hmang tur a ruahmanna siam a ni ati.  Mizoram hi zirna tha Ram pawn atang pawh a. Zirlai tam zawk in an pan theih tur in siam kan tum a ni a ti bawk.Zirlai tam tak an awm a, Mizoram pawn a hnathawh tur zawng ngam kan mamawh a ti. Zirlai kal khawm hnenah tunlai khawvel chu in elna(Competitive) khawvel a nih tawh avangin kan bul hnai School a mite emaw kan ram chhunga Zirlai dangte el mai a tawk tawh lova, India state danga zirlaite el phak tur a tan kan lak a ngai a ti. Central Service a tling thar kan tlem thu sawiin zirlaite chu theih tawp chhuaha tan la thar turin a chah bawk.   

He hunah hian Khual Zahawm Pu Vanneihtluanga pawhin Fuihna thu tha tak a sawi a. Lallawmsanga President MSU in thusawina hun a hmang bawk. MSU te hian Pu Joseph Lalhimpuia leh Pu Vanneihtluanga te hnenah hian ngaihhruina thil pek an hlan bawk.