Kolasib Officers’ Club (KOC) buatsaihin vawiin khan ‘Career Guidance for School Students’ St.John’s Higher Secondary School-ah neih a ni a, Pu H.Lalengmawia, Kolasib District Bawrhsap in a hmanpui.

Pu H.Lalengmawia chuan zirlaite chu inelna boruak siam a, mahni zirlai theuh hnehsawh tak a thiam turin a chah a. Tum sang tak neia zir tur leh zir chhunzawm zel tur thlang uluk turin a fuih a ni. He hun hi Pu R.Lalnunzira, DAO, Vice President KOC in a kaihruaia, Pu Lalhmingliana, MCS chu resource person niin zirlaite zirtur subject thlan uluk a pawimawh zia leh thlan tur hrang hrang awm te kawhmuh a ni. Kolasib Officers’ Club te hian Kolasib khawchhunga school hranghrang-ah career guidance hun hi neih zel tumin ruahmanna siam a ni.

St. John’s Higher Secondary School-ah hian zirlai 140 an kal a ni.